قصة مغربية واقعية 2021
لسلام عليكم اختي لاباس عليك. بغيت نشارك معكم قصتي لربما نتوصل بارشادات ونصائح الاخوان المتابعين على موضوع المس والعين والسحر.
المهم انا شاب نقدر نقول ناجح الحمد لله فحياتي بحكم اني دراسيا عندي الشواهد وكنت كنخدم ونقرا ماكين لا بلية لا تضياع ااوقت فصغري لا تفليات وحاليا عندي مقاولة من 2017 غادية فطريق مزيان ومخدم معيا ناس كبر مني وانا قد ولادهم ورغم الاكراهات والصعوبات ولكن الله ميسر لي حيت ديما النية ديالي نخدم معيا الناس يترزقوا الله.
الاشكال هو اني ولو كنشوف راسي ناجح كنشوف راسي ديما غارق مشاكل وديون واي مارشي كناكل فيه العصا ولو يكون ساهل و واضح وميحتاج لا خبرة لاتسيير لا والو ولكن ديما مشاكل مع العلم مسير الخدمة ديالي بزيرو درهم من القروض البنكية...
اما الزواج فهو موضوع اخر حيت حاولت مع 4 دالبنات رغم انهم عارفين المستوى ديالي لا المادي لا الاخلاقي لا المضهر ومكين حتى شي بلية الا انه مكيتيسرش لشي اسباب ممنطقياش لدرجة كنتفاجأ اني فيا اللي تحتاج اي بنت وتمناه بالاعتراف ديلهم ومع ذلك مكيتيسرش زواجي وكاع هذ البنات منبعد مانعرفها كنطلب منها التعارف فالوتساب لاجل الزواج مكين لا قهاوي لا خروج لا دخول والى تفاهمنا نقصد الولدين وكنطلب منهم بلي ماباغي من الزوجة والو من غير المفاهمة والاحترام المتبادل وكذا ومع ذلك مكيتيسرش وهما براسهم كيبغيوني لدرجة كبيرة وكيتمناو النهار اللي ندخل دارهم و قالو ليا بلي فيك اللي تمناه اي وحدة ولكن مكيتيسرش.
غير السيارة متلا فينما نقاد ليها شي حاجة خص يدخل فيا شي حد يهرس لي اللي قاديتو وديما مضارب معها ...
المهم موخرا واحد الصديق مقرب سلط عليا افكار مكنتش كنآمن بهم ديال العين والحسد والسحر بحكم ضابط اموري الدينية ولو على قد الحال يعني صلاة وشويا دالقران المهم مكنضلم حد ومكنادي حد ومكنكدب على حد.... هذشي علاش مكنآمنش بشي عين وسحر وحسد كنعرف حاجة وحدة انه اموري مضبوطة ومكنضلم حد راه ميمكنش يآدني شي واحد . المهم اللي بغيت نستشر فيه معكم الاخوان هو واش ممكن فعلا نكون كيف قالي صديق عندي المس وتبعات العين والحسد ... وشنو نقدر ندير من غير الرقية... لربما نتجاوز هذ المرحلة. الله ارحم الولدين وشكرا لكم.
تعليقات
إرسال تعليق