قصة مغربية واقلا زواج

قصة مغربية مدينتي 

مهم انا كنعرف واحد سييد من مدينتي تعارفنا فالفايسبوك بغاني وبغيتو سمانة الاولى قاليا زواج وقاليا تشاوري مع ماماك وهو قالها لدارهم وخواتاتو وصيفطهم عندي شافوني  بحكم هما فالبادية جاو عندي للخدمة سلمو عليا وصافي فحال هكاك  قاليا تسكني مع دارنا وحتى ندير مشروع والدار عاد نستقرو فدارنا + هو ماكاينش هنا كاين فالخليج  يعني انبقا غير مع دارهم ودارهم عامرة عروسة لوسة...  والبادية وبعد الأيام عرفت بلي منقدرش نعيش عاد العيشة وقلت لو سكني بوحدي ولا مبقا مع دارنا ولا خطبني والو مابغاش وقررت نتفارق معه تفارقنا  نص فرمضان واخة كيصوني كندوي سلام سلام بسلامة  ..

مؤخرا صيفط ليا قاليا بغيتك ضروري نهضرو هضرنا قاليا عندي لك واحد الخبر غادي نتهناو من هاد العراقيل وهو أنه لقى ڤيزا لكندا وغادي يمشي تما ويديني معه ولكن قاليا تجلسي فدارنا عام ولا 6 أشهر بين مايطلعو الوراق قلت لو نبقا فدارنا قاليا لا مال دارنا واش انا ماشي راجل مهم رفض الفكرة بتاتا دبا بغيت نصائح منكم بلى تجريح.

المهم  القضية ديال كندا غاادي ماشي كيتفلى وراني كوولشي وهو ولد الناس صراحة مفيهش الكدوب و مهلي فيا ديما كيتفكرني بزاف ديال الحوايج منقدرش نفرط فيه عفاكم نصحوني وشجعوني شكرا الله يسهل على الجمييع.